RDC: Ebola yongeye kubura umutwe
Muri Repubulika Iharanira Demokarasi ya Congo, icyorezo cya Ebola cyongeye kubura umutwe aho mu kwezi kumwe abagera muri batanu bamaze kucyandura ndetse kikaba cyarahitanye batanu.
Inzego z’ubuyobozi muri iki gihugu zatangaje ko Ebola yongeye kugaragara ku wa 8 Ukwakira 2021. Kuva iki gihe imaze kwandurwa n’abantu batanu mu gihe yahitanye batatu.
Mu bo bivugwa ko baheruka guhitanwa nayo harimo umugabo w’imyaka 36 wari utuye mu gace ka Kasabinyole muri Beni witabye Imana ku wa Mbere tariki 18 Ukwakira 2021 ndetse ahita ashyingurwa.
Kugeza ubu Ishami ry’Umuryango w’Abibumbye ryita ku Buzima ryatangije ibikorwa byo gukingira iki cyorezo muri RDC.
Kuva mu 2018 nibwo Repubulika Iharanira Demokarasi ya Congo yatangiye kwibasirwa na Ebola, aho kuva muri uwo mwaka kugeza mu 2020 yari imaze guhitana abarenga 2000 mu gihe abayanduye nabo barenga 3000.
Ebola yongeye kubura umutwe muri Repubulika Iharanira Demokarasi ya Congo nyuma y’uko muri Gicurasi 2021 yari yatangaje ko yabashije kuyihashya.