Ubuyobozi bwa Biden bugiye kuvanaho amabwiriza yo gukingira no kwisuzumisha COVID-19 mu bigo binini bikora ubucuruzi, nyuma y’icyemezo cy’urukiko rukuru cyo guhagarika iryo tegeko cyafashwe mu ntangiriro z’uku kwezi.
Ikinyamakuru CNN cyanditse ko Deparitema y’Amerika ishinzwe ubuzima n’imibereho myiza y’abakozi, kuri uyu wa kabiri yatangaje ko izahagarika gahunda yo gukingira no kwipimisha ku bakoresha abakozi 100 n’abarenga, nk’uko itangazo riri ku rubuga rw’iki kigo ribitangaza.
Itangazo riragira riti“ Nubwo bwose OSHA iri gukuraho uburyo bwo gukingira no kwisuzumisha STS nk’uburyo bw’ikubagahu, iki kigo ntikizavanaho ETS nk’itegeko. Ikigo cyahisemo gukoresha umutungo wacyo ngo kirangize ubuvuzi bunoze bwa COVID-19”
Uku kuvanaho uburyo bwifashishwaga mu gihe gito ntibizabangamira ETS nk’uburyo busanzwe bukoreshwa nk’uko umuvugizi wa deparitema y’Amerika ishinzwe abakozi yabitangaje.
“OSHA iri gukora igenzura no kubika amakuru y’uburyo iki cyorezo cyihinduranya. OSHA nta gihe igaragaza izaba yarangije gushyiraho itegeko ryo kwikingiza no kwisuzumisha. Iki kigo kigamije gukora ibishoboka byose ngo gitangaze uburyo bwa nyuma bw’ubuvuzi buzarinda abakozi bahanganye n’icyorezo cya cya COVID-19”
Iki cyemezo kije mu byumweru bitarenze bibiri urukiko rw’ikirenga ruhagaritse itegeko, rutanga impuruza kuri Perezida Biden ubwo yashakaga gukoresha ububasha bwa Guverinema bwo kurwanya covid-19.
Itegeko rya OSHA ryategekaga buri kigo gikoresha abakozi 100 kuzamura ko bigomba kwikingiza inkingo zose no gupimisha abakozi babo , bakanambara agapfukamunwa igihe bari mu kazi.
